Að byrja í aikido

Byrjendur eru velkomnir á fyrstu æfingu sína þegar grunntækni er kennd, á mánudögum, miðvikudögum og föstudögum samkvæmt æfingaáætlun. Þegar fyrsta prófið er afstaðið eru byrjendur velkomnir á allar fullorðinsæfingar.

Ekki þarf sérstakan aikido galla, nóg að mæta í léttum íþróttafatnaði, stuttermabol og síðum buxum.


6-12 ára krakkar æfa á mánudögum og miðvikudögum kl. 16:15 eða 17:00 eftir aldri og hægt er að koma í prufutíma hvenær sem er.

 

Krakkatímar eru frá september fram í miðjan maí.  Haustönn krakka hefst mánudaginn 28. ágúst.

Ef þú hefur spurningar eða langar til að vita meira áður en þú kemur í prufutíma hafðu þá samband við Marco (699-7195) eða sendu tölvupóst á aikido@aikido.is

Aikido snýst ekki um átök eða keppni heldur er aikido leið til þess að forðast átök. Í aikido er áhersla lögð á að iðkendur vinni saman að því að bæta sig í stað þess að keppa að árángri á kostnað annarra. Ef þú ert fyrir ofbeldi og slagsmál þá er aikido ekki fyrir þig.  Viljir þú hins vegar rækta sjálfa(n) þig andlega og líkamlega, þá kann aikido að vera rétta leiðin fyrir þig.

Hafi umsækjandi um aðild að félaginu orðið uppvís að ofbeldis- eða kynferðisbroti sem svert getur ímynd félagsins áskilur stjórn þess sér rétt til þess að hafna aðild.


Comments are closed.